A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Saturday 30 January 2016

មេបញ្ជាការ​​​ជើងទឹក​ខ្មែរ​អាមេរិកាំង​ទទួល​កំហុស​ចំពោះ​ការប្រព្រឹត្ត​អំពើ​ពុករលួយ

 មេបញ្ជាការ​​​ជើងទឹក​ខ្មែរ​អាមេរិកាំង​ទទួល​កំហុស​ចំពោះ​ការប្រព្រឹត្ត​អំពើ​ពុករលួយ​ពាក់ព័ន្ធ​នឹង​សំបុត្រ​ប្រគុំ​តន្រ្តី​ Lady Gaga ពេស្យាចារ និង​ការ​សម្ងាត់​យោធា (Washington Post)

លោក Misiewicz មាន​ដើម​កំណើត​នៅ​ប្រទេស​កម្ពុជា​និង​មាន​​ឈ្មោះ​ដើម​ហៅ​ថា Vannak Khem ប៉ុន្តែ​លោក​ត្រូវ​បាន​បុគ្គលិក​ស្ថានទូត​អាមេរិក​ម្នាក់​ទទួល​យក​ទៅ​ចិញ្ចឹម​នៅ​ពេល​ដែល​លោក​មាន​អាយុ​៦​ឆ្នាំ។

  

មេបញ្ជាការ​នាវាពិឃាដ​សហរដ្ឋ​អាមេរិក USS Mustin គឺ​លោក Michael "Vannak Khem" Misiewicz ជួប​បដិសណ្ឋារកិច្ច​ជាមួយ​ក្រុម​គ្រួសារ​​សាច់​ញាតិ​របស់​លោក​​ ខណៈ​ដែល​នាវា​របស់​លោក​បាន​មក​ចូល​សំចត​ដល់​​​កំពង់​ផៃ​ក្រុង​ព្រះសីហនុ​កាល​ពី​ថ្ងៃ​សុក្រ​ទី​៣​ខែ​ធ្នូ​ឆ្នាំ​២០១០។


RFA 30 មករា 2016
វ៉ាស៊ីនតោន—

កំណត់​និពន្ធ៖ អត្ថបទ​នេះ​ជា​អត្ថបទ​ប្រែសម្រួល​ទាំង​ស្រុងជា​ភាសា​ខ្មែរ​ដោយ VOA ពី​អត្ថបទ​ដើម​របស់ Craig Whitlock នៃ​សារព័ត៌មាន​ Washington Post។

Editor's Note: This article is a full-length Khmer-translation by VOA Khmer of the original English-language Washington Post article by Craig Whitlock.

មេបញ្ជាការ​កងទ័ព​ជើងទឹក​ម្នាក់​ដែល​ត្រូវ​បាន​ចោទ​ប្រកាន់​លើ​ករណី​ទទួល​ប្រាក់​សូក​ប៉ាន់​ជា​ថ្នូរ​នឹង​ការ​ចែក​រំលែក​ព័ត៌មាន​យោធា​សម្ងាត់​សំបុត្រ​យន្តហោះ​ ប្រើប្រាស់​សេវា​ពេស្យាចារ​និង​សំបុត្រ​ប្រគុំ​តន្រ្តី​របស់​តារា​ចម្រៀង Lady Gaga បាន​ទទួល​កំហុស កាល​ពី​ថ្ងៃ​ព្រហស្បតិ៍ ចំពោះ​ការ​ចោទប្រកាន់​លើ​ករណី​ប្រព្រឹត្ត​អំពើ​ពុករលួយ​របស់​តុលាការ​សហព័ន្ធ​នៅ​ទីក្រុង San Diego។

លោក​មេបញ្ជាការ​កងទ័ព​ជើងទឹក​ Michael (Vannak Khem) Misiewicz អាយុ ៤៨ ​ឆ្នាំ ដែល​ជា​និស្សិត​ ​បញ្ចប់​ការសិក្សា​ពីសាលា​បណ្ឌិត​សភា​កងទ័ព​ជើងទឹក​នៅ​ទីក្រុង Annapolis រដ្ឋ​ Maryland បាន​ក្លាយ​ជា​មនុស្ស​ទី​៨​ដែល​យល់ព្រម​ទទួល​កំហុស​នៅ​ក្នុង​ករណី​ប្រព្រឹត្ត​អំពើ​ពុករលួយ​ដ៏​ធំ​មួយ ដែល​បាន​ធ្វើ​ឲ្យ​រង្គោះ​រង្គើរ​ដល់​កងទ័ព​ជើងទឹក​និង​ចូល​ដល់​ថ្នាក់​មន្រ្តី​ជាន់ខ្ពស់។ មនុស្ស​ជាង​១០០​នាក់​កំពុង​តែ​ស្ថិត​នៅ​ក្រោម​ការ​ស៊ើប​អង្កេត​លើ​ករណី​បទឧក្រិដ្ឋ ការបំពាន​ក្រម​សីលធម៌​ ឬ​ការ​បំពាន​ផ្នែក​រដ្ឋបាល។ ​

លោក Misiewicz បាន​តវ៉ា​នឹង​ការ​ចោទ​ប្រកាន់​ចំពោះ​រូប​លោក​ បន្ទាប់​ពី​លោក​ត្រូវ​បាន​គេ​ចាប់​ខ្លួន​កាល​ពី​ខែ​កញ្ញា ឆ្នាំ​២០១៣ ប៉ុន្តែ​លោក​បាន​យល់​ព្រម​កែប្រែ​ចម្លើយ​របស់​ខ្លួន​និង​បាន​បង្ហាញ​ខ្លួន​នៅ​មុខ​ចៅក្រម​មួយ​រូប​កាល​ពី​ល្ងាច​ថ្ងៃ​ព្រហស្បតិ៍។ ​

លោកស្រី Wendy Gerboth និង​លោក Mark Adams ដែល​ជា​មេធាវី​របស់​លោក​នៅ​ទីក្រុង San Diego បាន​ថ្លែង​នៅ​ក្នុង​លិខិត​មួយ​ថា «តាំង​ពី​ករណី​នេះ​បាន​ចាប់​ផ្តើម​មក លោក​មេបញ្ជាការ Misiewicz បាន​យល់​ព្រម​ទទួល​ខុស​ត្រូវ​ដោយ​ខ្លួន​លោក​ផ្ទាល់។ លោក​សុំ​អភ័យ​ទោស​យ៉ាង​ខ្លាំង​ចំពោះ​បញ្ហា​ដែល​លោក​បាន​បង្ក​ដល់​ក្រុម​គ្រួសារ​របស់​លោក កងទ័ព​ជើងទឹក​អាមេរិក​ និង​ប្រទេស​ដ៏​អស្ចារ្យមួយ​នេះ»។​

ក្រុម​ព្រះរាជអាជ្ញា​និង​ក្រុម​អ្នកស៊ើប​អង្កេត​សហព័ន្ធ​បាន​ចោទប្រកាន់​លោក Misiewicz ថា​បាន​ដើរ​តួនាទី​សំខាន់​នៅ​ក្នុងផែនការ​សូកប៉ាន់​រយៈពេល​វែង ដែល​អនុញ្ញាត​ឲ្យ​ក្រុមហ៊ុន​មួយ​ដែល​ជាប់​កុងត្រា​ជា​មួយ​នឹង​ក្រសួង​ការពារ​ជាតិ​ដែល​មាន​មូលដ្ឋាន​នៅ​ប្រទេស​សិង្ហបុរី គឺ​ក្រុមហ៊ុន Glenn Defense Marine Asia កេងប្រវ័ញ្ច​ពី​កងទ័ព​ជើងទឹក​អាមេរិក​នូវ​ទឹកប្រាក់​ជាង​២០​លាន​ដុល្លារ។ ក្រុមហ៊ុន​នេះ​បាន​ជាប់​កុងត្រា​ជាង​២៥​ឆ្នាំ​ដើម្បី​ផ្គត់ផ្គង់សេវា​ដល់​នាវា​យោធា​សារ​ជាថ្មី ក្នុង​អំឡុង​ពេល​ចុះ​ចត​នៅ​កំពង់​ផែ​នៅ​អាស៊ី ហើយ​ក្រុមហ៊ុន​នេះក៏​បាន​សារភាព​ថា​ខ្លួន​បាន​គិត​ថ្លៃ​ខ្ពស់​ហួសហេតុ​ពី​រដ្ឋាភិបាល​អាមេរិក​សម្រាប់​សេវាកម្ម​របស់​ខ្លួន។

លោក Misiewicz មាន​ដើម​កំណើត​នៅ​ប្រទេស​កម្ពុជា​និង​មានឈ្មោះ​ដើម​ហៅ​ថា Vannak Khem ប៉ុន្តែ​លោក​ត្រូវ​បាន​បុគ្គលិក​ស្ថានទូត​អាមេរិក​ម្នាក់​ទទួល​យក​ទៅ​ចិញ្ចឹម​នៅ​ពេល​ដែល​លោក​មាន​អាយុ​៦​ឆ្នាំ។


មេ​បញ្ជាការកង​ទ័ព​ជើង​ទឹក​សហរដ្ឋ​អាមេរិក លោក Michael Vannak Khem Misiewicz ​បញ្ជា​កប៉ាល់ពិឃាដមាន​ប្រព័ន្ធ​បាញ់​កាំ​ជ្រួច USS Mustin មាន​មូលដ្ឋាន​នៅ​ក្នុង​ក្រុងយ៉ូកូស៊ូកា Yokosuka ប្រទេស​ជប៉ុន។




លោក​បាន​ទៅ​រស់​នៅ​រដ្ឋ Illinois មុន​ពេល​ដែល​ប្រទេស​កម្ពុជា​បាន​ធ្លាក់​ទៅ​ក្នុង​កណ្ដាប់​ដៃ​ពួក​កុម្មុយនិស្ត​ខ្មែរ​ក្រហម​បន្តិច។ កាល​ពី​ខែ​ធ្នូ​ឆ្នាំ​២០១០ ក្នុង​នាម​ជា​មេបញ្ជាការ​នាវា​ពិឃាដ​អម​នាវា​ចម្បាំង​ លោក Misiewicz បាន​ត្រឡប់​ទៅ​កាន់​ប្រទេស​កម្ពុជា​វិញ​ជា​លើក​ដំបូង​បង្អស់​ក្នុង​រយៈពេល​៣៧​ឆ្នាំ នៅ​ពេល​ដែល​នាវា​នោះ​បាន​ចុះចត​នៅ​កំពង់ផែ​នៅ​ខេត្ត​ព្រះសីហនុ។

ក្នុង​អំឡុង​ឆ្នាំ​២០១១​និង​ឆ្នាំ​២០១២ លោក Misiewicz បាន​កាន់​តំណែង​ដ៏​សំខាន់​មួយ​ជា​អនុប្រធាន​ប្រតិបត្តិការ​កង​នាវា​ចម្បាំង​សហរដ្ឋ​អាមេរិក​ទី​៧ ដែល​មាន​មូលដ្ឋាន​នៅ​ប្រទេស​ជប៉ុន។ នៅ​ក្នុង​តួនាទី​នោះ លោក​អាច​មាន​ឥទ្ធិពល​ទៅ​ការ​សម្រេច​នានា​របស់​កងទ័ព​ជើងទឹក​អំពី​ថា​តើ​គួរ​ចត​នាវា​របស់​ខ្លួន​នៅ​កំពង់​ផែ​មួយ​ណា និង​រយៈពេល​ប៉ុន្មាន ដែល​តួនាទី​នេះ​ធ្វើ​ឲ្យ​លោក​មាន​សារៈសំខាន់​យ៉ាង​ខ្លាំង​សម្រាប់​ក្រុមហ៊ុន Glenn Defense Marine Asia។

យោង​តាម​ដីកា​ចោទប្រកាន់​មួយ​លើករណី​នេះ លោក Misiewicz បាន​ទម្លាយ​នូវ​ព័ត៌មាន​សម្ងាត់​អំពី​ផែនការ​បម្លាស់​ទីកន្លែង​របស់​នាវា​កងទ័ពជើងទឹក​ដល់​ក្រុមហ៊ុន Glenn Defense Marine Asia ចំនួន​៦​លើក​ខុសៗ​គ្នា ខណៈ​ដែល​លោក​បម្រើការ​លើ​នាវា USS Blue Ridge ដែល​ជា​នាវា​ដឹក​នាំ​កង​នាវា​ចម្បាំង​សហរដ្ឋ​អាមេរិក​ទី​៧។​

បន្ថែម​ពី​លើ​នោះ​ទៀត យោង​តាម​លិខិត​ផ្លូវការ​មួយ​ដែល​រៀបចំ​ដោយ​ភ្នាក់ងារ​សហព័ន្ធ លោក Misiewicz ពេល​ខ្លះបាន​បញ្ជា​នាវា​ឲ្យ​ទៅ​ចត​នៅ​កំពង់ផែ​ដែល​ត្រួតត្រា​ដោយ​ក្រុមហ៊ុន Glenn Defense Marine។

ជា​ឧទាហរណ៍ កាល​ពី​ខែ​កញ្ញា​ឆ្នាំ​២០១១ នាវា​ចម្បាំង USS John C. Stennis បាន​ពន្យា​រយៈពេល​ចត​នៅ​កំពង់​មួយ​នៅ​ម៉ាឡេស៊ី​ដែល​ជា​របស់​ក្រុមហ៊ុន Glenn Defense Marine ដែល​បាន​អនុញ្ញាត​ឲ្យ​ក្រុមហ៊ុន​នេះ​គិត​ថ្លៃ​បន្ថែម​ពី​កងទ័ព​ជើង​ទឹក​ចំនួន​២៥០.០០០​ដុល្លារ។ ​

លោក Misiewicz បាន​សរសេរ​នៅ​ក្នុង​អ៊ីមែល​មួយ​ទៅ​កាន់​ប្រធាន​ក្រុមហ៊ុន​នេះ​គឺ​លោក Leonard Glenn Francis មុន​ពេល​ដែល​នាវា Stennisចុះចត​នៅ​កំពង់ផែ​នោះ​បន្តិច​ថា «ឃើញ​ទេ? អ្នក​បាន​ស្នើសុំ។ ខ្ញុំ​បាន​ធ្វើ​ហើយ! ហាសហា!» ។

បើ​តាម​លិខិត​ថ្លែង​សច្ចា​នេះ​ថា​នៅ​ពេល​ពីរ​បី​ខែ​បន្ទាប់មក​ លោក Misiewicz បាន​ជួយ​ប្តូរ​ផ្លូវ​បើក​បរ​នាវា​ផ្ទុក​យ​ន្ត​ហោះ​មួយ​គ្រឿង​ទៀត​ឈ្មោះ USS Abraham Lincoln ដើម្បី​ឱ្យ​កប៉ាល់​នេះ​អាច​ចូល​ចត​ក្នុង​កំពង់ផែ​មួយ​នៅ​ប្រទេស​ថៃ​ដែល​ត្រួតត្រា​ដោយ​ក្រុម​ហ៊ុន​ Glenn Defense Marine Asia កាល​ពី​ខែ​មករា​ឆ្នាំ២០១២​ដោយ​មិន​បាន​ទៅ​កាន់​ប្រទេស​ហ្វីលីពីន​ទេ។

បើ​តាម​លិខិត​ថ្លែង​សច្ចា​នេះ​ថា​ការណ៍​ដូចគ្នា​បាន​កើតមាន​ឡើង​ជាមួយ​នាវា​ផ្ទុក​យ​ន្ត​ហោះ​មួយ​គ្រឿង​ទៀត​ឈ្មោះ​ USS George Washington កាល​ពី​ខែ​តុលា​ឆ្នាំ​២០១២ នៅ​ពេល​វា​បាន​លុប​ចោល​ទស្សនកិច្ច​មួយ​ក្នុង​ប្រទេស​សិង្ហបុរី​ហើយ​បាន​ទៅ​ឈប់​សំចត​នៅ​ឯ​កំពង់ផែ​មួយ​ក្នុង​ប្រទេស Malaysia ដែល​ចាត់ចែង​ដោយ​ក្រុមហ៊ុន Glenn Defense Maritime ដោយ​ផ្តល់​ប្រាក់​១លាន៨​សែន​ដុល្លារ​ឱ្យ​ក្រុមហ៊ុន​នេះ។​

ដីកាចោទ​ប្រកាន់​ចែង​ថា​ជា​ថ្នូរ ពួក​អ្នក​ចាត់​ចែង​កិច្ចការ​ប្រតិបត្តិ​របស់​ក្រុមហ៊ុន​ Glenn Defense Marine Asia បំពេញ​បំណង​លោក​ Misiewicz ដែល​មាន​ភាព​កម្សោយខាង​កាម​តណ្ហា ការ​ធ្វើ​ដំណើរ​និង​វត្ថុ​ប្រណីតៗ។

បើ​តាម​លិខិត​ថ្លែង​សច្ចា​និង​ដីកា​ចោទ​ប្រកាន់​ថា​ក្រុមហ៊ុន​នេះ​បាន​បង់​ប្រាក់​ឱ្យ​លោក​ Misiewicz ចំណាយ​ពេលវេលា​ជាមួយ​ពួក​ស្ត្រី​ពេស្យា​ជា​ច្រើន​ដង​ដោយ​មាន​រួម​បញ្ចូល​ការ​ចំណាយ​ពេល​វេលា​នៅ​ក្នុង​សណ្ឋាគារ​ប្រណីត​មួយ​ក្នុង​ក្រុង​ម៉ានិល​កាល​ពី​ខែ​កុម្ភៈឆ្នាំ២០១១ ការ​ចំណាយ​ពេល​វេលា​មួយ​យប់​នៅ​ក្នុង​ប្រទេស​ជប៉ុន​កាល​ពី​ខែ​មេសា​ឆ្នាំ២០១២និងពីរ​យប់​នៅ​ក្នុង​សណ្ឋាគារ​មួយ​ក្នុង​ប្រទេស​សិង្ហបុរី​កាល​ពី​ខែកញ្ញា​ឆ្នាំ២០១២។

បើ​តាម​លិខិត​ថ្លែង​សច្ចា​នេះ​ថា​នៅ​ពេល​មួយ​លើក​ទៀត​ លោក​ Francis បាន​ធ្វើការ​ទាក់ទង​ជាមួយ​សេវាកម្ម​ផ្តល់​ស្ត្រី​អម​ដំណើរ​មួយ​ដើម្បី​ផ្តល់​ស្ត្រី​ពេស្យា​បួន​នាក់​ឱ្យ​ចំណាយ​ពល​វេលា​យ៉ាង​តិច​ណាស់​បី​ថ្ងៃ​ជាមួយ​លោក Misiewucz និង​មេបញ្ជាការ​ម្នាក់​ទៀត​នៃ​កងទ័ព​ជើង​ទឹក​ស.រ.អ.ដែលគេ​មិន​ប្រាប់​ឈ្មោះ​នៅ​ក្នុង​ប្រទេស​សិង្ហបុរី​កាល​ពី​ខែ​មីនា​ឆ្នាំ​២០១១។ក៏ប៉ុន្តែ​ទោះ​ជា​យ៉ាង​ណា​ក៏​ដោយ​ក៏​ការ​គ្រោង​ជួប​គ្នា​នោះ​មិន​បាន​សម្រេច​ទេ​នៅ​នាទី​ចុង​ក្រោយ​បង្អស់​នៅ​ពេល​ដែល​នាយ​ទាហាន​ទាំង​នេះ​បាន​ត្រូវ​ចាត់​ឱ្យ​ទៅ​បំពេញ​បេសកកម្ម​ជា​ការ​ឆ្លើយ​តប​គ្រា​មាន​អាសន្ន​របស់​កង​ទ័ព​ជើង​ទឹក​ស.រ.អ.ដល់​មហន្តរាយ​មហា​រលក​សមុទ្រ​ tsunami ដែល​បាន​បោក​ខ្លាំង​លើ​ប្រទេស​ជប៉ុន។

​បើ​តាម​លិខិត​ថ្លែង​សច្ចា​នេះ​ថា​មួយ​ឆ្នាំ​បន្ទាប់​មក លោក​ Francis បាន​ផ្តល់​សំបុត្រ​ឱ្យ​លោក Misiewicz និង​នាយ​ទាហាន​បួន​នាក់​ទៀត​នៃ​កងទ័ព​ជើង​ទឹក​អាមេរិកាំង​ដែល​គេ​មិន​ប្រាប់​ឈ្មោះ​ដែល​អាច​ឱ្យ​ពួក​គេ​ទៅ​មើល​ការ​ប្រគុំ​តន្ត្រីកុង​ស៊ែ​មួយ​ដោយ Lady Gaga ក្នុង​ប្រទេស​ថៃ។ ​

ដោយ​ផ្តល់​កាដូ​ឱ្យ​លោក Misiewicz ក្រុម​ហ៊ុន​មាន​កុងត្រា​ខាង​កិច្ចការពារ​ប្រទេស​នេះ​មិនបាន​ភ្លេច​ប្រពន្ធ​និង​សមាជិក​ឯ​ទៀតៗ​នៃ​គ្រួសារ​លោក​ទេ។

បើ​តាម​ពួក​រដ្ឋអាជ្ញា​ថា​ ក្រុមហ៊ុន​នេះ​បាន​ផ្តល់​សំបុត្រ​ឱ្យ​លោក Misiewicz និង​ញាតិ​សន្តាន​បួន​នាក់​ទៅ​មើល​ការ​សម្តែង​រឿង​ Lion King​ នៅ​ក្នុង​ប្រទេស​ជប៉ុន​កាល​ពី​ឆ្នាំ២០១0 ទិញ​សំបុត្រ​យន្តហោះ​ឱ្យ​ម្តាយ ប្អូន​ប្រុស ប្រពន្ធ​និង​កូន​បី​នាក់​ធ្វើ​ដំណើរ​នៅ​ខាង​ក្នុង​ទ្វីប​អាស៊ី​និង​ពី​ស.រ.អ.ទៅ​កាន់​ប្រទេស​កម្ពុជា និង​ទិញ​កាបូប​ប្រណីត​មួយ​ឱ្យ​ប្រពន្ធ​លោក​នៅ​ក្នុង​ប្រទេស​ជប៉ុន​ផង​ដែរ។​

ចាប់​តាំង​ពី​ពេល​នោះ​មក​ ប្រពន្ធ​លោក​បាន​ដាក់​ពាក្យ​លែង​លោក​ហើយ៕

អត្ថបទ​ដើមរបស់​សារព័ត៌មាន The Washington Post ត្រង់​នេះ

ប្រែសម្រួលទាំង​ស្រុងដោយ ឈឹម សុមេធ និង ហុង ចិន្តា

6 comments:

Anonymous said...

Sadly for mr misiewicz has to take his responsibility by the chin for the job he loves and fought so hard for with his own sweat and blood.
Look at on the bright side. If he were hun sen's son , he would have got away with every thing even if he gave haft of cambodia to youn.

Anonymous said...

Yeah - right, Why is Hillary Clinton running for USA president when she is a known murderer? Bill Clinton was a known murderer, yet he was elected twice to office as president.

Too many whistle blowers disappeared in America, thanks for being transparent.

Anonymous said...

Is there such thing a perfect crime ??????????

Anonymous said...

01:42

It seems you didn't take your medicine !

Anonymous said...

what's kind of medicine are you talking about? Be specific please?

Anonymous said...

[ Anonymous said...

01:42

It seems you didn't take your medicine !

1 February 2016 at 04:26 ]

actually , that poster is correct but you would not know , you are too busy daydreaming about a perfect society... democracy is dead , long live democracy !!!